كتبت والدة الشهيد غياث مطر :

بدفع عمري وأعرف شو سرك ياغياث ... انت سر من اسرار هالدنيا...سر الاهي ....اكيد رب العالمين رفع ذكرك لانك كنت صادق .... صادق بمعنى الكلمة....ماعم اقدر استوعب يلي عم يصير يعني اول يوم بمهرجان الدوحة سميح شقير بعدد كل المحافظات وبس يوصل لداريا بيسكت وبقول غياث مطر بوجداني وضجت الصالة بالتصفيق كرمال روحك الغالية......وتاني يوم خمسين شخص فرنسي بيرفعو خمسين صورة لألك فوق آلاتهن الموسيقية مع مقطوعة سموها ...البلبل الى غياث مطر وبعتولي تعازي مع الاخ طارق ملص وانو عندهن امل بابنك الغالي ...وتالت يوم اصاله والتوائم ملص مابينسوك وبقولو منكم قنبلة الغاز ومنا غياث مطر....وريما فليحان  الغاليةبتذكرك بريبورتاج ...وبعدها ببرنامج سلمية عالعربية بينحكى عن امجادك وبطولاتك وبينذكر اسمك...واليوم الرائع وصفي المعصراني غنى اغنية يامو وهداني ياها عالمباشر لاني امك ...وآخر شي رجف قلبي وقت سمعت غياث مطر لا ما مات زغردولو يالبنات بصوت الغالي وصفي يلي ما رح انسالو ياها بحياتي ....انا برفع راسي وبفتخر انك ابني ..بتباهى اني حملتك 9 شهور ...اني سهرت ع راحتك ...بفتخر انك رضعت من حليبي ....انا بفتخر انو كنت اغسلك تيابك الوسخة ...
لك زغردولو للعريييييييييييييييييييييييييي يييييييييييس.....غيااااااااااا اااااث......... يااااااااااااامو....عم اكتبلك بدمعاتي وانت اكيد حاسس فيي شتقتلك يا رافع راسي شتقتلك ياصاحب اروع وانقى واطهر ابتسامة بالكون..

شتقت لروحك ياروح الروح ..